Siku Lelaki Pedofilia Diukum Jil 60 Taun Ba Colombia

1) SIKU LELAKI PEDOFILIA DIUKUM JIL 60 TAUN BA COLOMBIA

Lelaki ke ngereja penyalah beleman ngagai lebih 276 nembiak mit enggau nembiak besai ba Colombia enggau nyual video nya ngagai raban pedofilia diukum jil 60 taun kemari.

Juan Carloz Sanchez milih mansa iya ba palan bebeli barang ba Mengeri Barranquilla, ngumpan sida enggau duit nitih ke iya ngagai palan endur iya ngaga penyalah beleman nya sereta bekunsika video nya dalam internet.

Sanchez, ke beumur 30-an enggau ngena nama juluk iya ‘Fierce Wolf’, ditan ba jil pengelikun maksimum La Picota ba Bogota, sepengudah iya ngaku ngereja penyalah beleman ngagai nembiak baruh umur sereta ngerikot video pornografi.

Berindik enggau nya, Hakim meri pemutus ukum jil 60 taun ke atas ngagai Juan Carloz Snachez, lalu nya ukum maksimum ngagai kes beleman tauka seksual ngagai nembiak mit baruh umur ba Colombia.

2) APPLE NAGIT DEKA NGELANCAR SERVIS TV BULAN APRIL

Apple Inc nagit deka ngelancar servis talibisin ke ngundan chanel ari CBS Corp, Viacom Inc enggau Starz Lions Gate Entertainment Corp nyerumba bulan April tauka Mei ti ka datai.

Apple udah lama ba dalam pengawa melin deka numbuhka servis talibisin enggau begunaka ungkus $ 2 bilion tauka (RM 8.1 bilion) ba Hollywood ngambi ulih ngasilka program kediri kelimpah ari nyain kerejasama enggau artis tebilang baka Oprah Winfrey.

Tajapan pia, ketegal penatai penguntung nyual iPhone ke kusut ba taun yang 2018, langganan bebayar servis Tv nya udah numpu ngagai asil dikena nganti pengerugi ke ditapi tang pelin sida deka nyadung program nya agi mengkang nyadi rahsia.

Berebak enggau nya, Apple diatu benung ba dalam pengawa berunding enggau HBO, ia nya sebengkah ari WarnerMedia ke diempu AT & T Inc, ngambi nyadi entara program dalam servis tv apples.