Sarawak Harus Punya Polisi Strategik Dan Politik Yang Stabil

1. BERIBU IKU KUDA LUMBA PINCHIN DIDERA SEBEDAU DISAYAT

Nadai agi tanda tanya senentang kuda lumba berega ratus ribu ringgit sepengudah enda dapat belumba tauka bepekit sepengudah pengawa pansik digaga pengarang berita Australia.

Sida tetemuka beribu iku jelu nya disayat lalu dijadika utai dempa mensia enggau mega jelu bukai.

Asil pansik pengarang berita Australian Broadcasting Corporation ke ngelakun nyadi kaban nya pengelama 2 taun, madahka urung 8,500 iku kuda ke udah pinchin ari bepekit tauka belumba ninting taun.

Siti gerempung pengintu pengelantang pendiau ngedawa sebuah palan alai nyayat jelu di Brisbane, nyayat 500 iku kuda sebulan dikena nyadika jelu nya tadi utai dempa mensia lalu bisi mega rakaman video ngayanka kuda dipalu sereta didera sebedau disayat.

Dagin jelu nya dieksport ngagai Eropah, Jepun enggau mega Russia.

2. ANAK MIT KE BEUMUR SEBULAN NYAUKA PARAI DIPALU INDAI IYA

Siku anak mit lelaki ke baru ada dipalu indai iya nyentuk tubuh iya nyau balat bakal sebedau iya ditinggal Kediri lebuh indu nya pansut.

Mykyta ke beumur sebulan ditemu balat bakal enggau abi chelum sereta biru ketegal dipalu di Rivne, barat Ukraine.

Ketuai Unit Jagaan Rapi Sepital Nembiak Rivne, Mykhailo Kulik melabaka pala iya retak.

3. IDUP ENGGAU 320 IKU CIT

Siku orang tasah indu ditemu tinggal di dalam sebuah van begulai enggau penyampau 320 iku cit di San Diego.

Piak bekuasa madahka cit nya mayuh masuk dalam van lalu masuk ngagai bagian injin.

Sepengudah nerima ripot senentang cit nya, Human Society deka meri bantu dikena ngengkahka beratus iku cit nya.

Carla madahka, keterubahya, iya semina ngembuan dua iku cit.

Sepengudah ngadaka anak ba tetiap empat minggu, iya ngasilka sedozen dalam alai endur iya ngengkah sampah lalu pekara tu ngujungka mayuh cit ada.